۱۳۸۹ اسفند ۲۹, یکشنبه

چه‌مکێک هونڕاوه‌ی معته‌سه‌م که‌سنه‌زانی















  • له‌تاوی چاوه‌كانت به‌هار سه‌وزی پۆشاوه‌
  • گه‌ردوونی خه‌زرا مه‌سته‌ له‌ عه‌شقی ئه‌و دوو چاوه‌
  •  
  • شێوه‌ی شیرینت ده‌رخه‌، سه‌یری دنیام هه‌ر ناوێ
  • جا ڕه‌قیب چی له‌ده‌ست دێ صانع تۆی وا داناوه‌
  •  
  • شۆڕه‌ سواری مه‌یدانی عه‌شقی ئیلاهی ساده‌ی
  • لوتفێ بفه‌رموو قوربان دڵم جۆشی هێناوه‌
  •  
  • ئه‌و ده‌مه‌ی زۆر غه‌مبار بووم له‌ گیانی خۆم بێزار بووم
  • كه‌ ناوی تۆیان هێنا ، گرێی دڵم كراوه‌
  •  
  • به‌یادی جاری جاران ڕێگام گرته‌به‌ر هاتم
  • ڕووم كرده‌ باره‌گاكه‌ت به‌ناوی زیكری خواوه‌
  •  
  • له‌حاڵه‌تێكی وه‌جدا بۆنی پرچی تۆم ئه‌بیست
  • عه‌تر و عه‌بیرم بۆ هات به‌ده‌م بادی سه‌باوه‌
  • ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
  • بڵێ عه‌شقت چی لێم ئه‌وێ بۆچی له‌من نابێته‌وه‌؟
هه‌موو ڕۆژێ داخێ ئه‌نێ به‌ دڵی منی شێته‌وه‌

خۆزگه‌ دڵت وه‌ك دڵی من ئاگردانی عه‌شق بوایه‌
كه‌ هه‌رگیز نه‌كوژێته‌وه‌ به‌ هه‌رچی ئاوی ده‌ریایه‌

پشكۆی دڵم سوور بۆته‌وه‌ وه‌كو گۆناكه‌ی جارانت
بۆچ منت له‌بیرچۆته‌وه‌؟ كوا دینت كوانێ ئیمانت؟

له‌ زولفی تۆ ئه‌چێ به‌خوا شه‌وی تاریكی ته‌نیاییم
ئه‌وه‌نده‌ چاوم بۆ گێڕای تروسكه‌ی نه‌ما بیناییم

ده‌ بینایی چاوه‌كانم ئه‌وا سۆمای چاوم داهات
توخوا وه‌ره‌ با بتبینم تا تێر ئه‌بم له‌ ته‌ماشات


ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لاده‌ له‌و ڕێگه‌ كه‌ چه‌وته‌ تا به‌ ئاسانی بگه‌ی

چاو له‌ ده‌روێشانی ڕێگه‌ی حه‌ق بكه‌ جا تێ ئه‌گه‌ی
   
گیانه‌كه‌م دووربه‌ له‌ نه‌فسی پیسی ئه‌مماره‌ی فزول

دوژمنی تۆیه‌ عه‌زیزم بۆچی خۆت ڕسوا ئه‌كه‌ی؟ 

تا به‌دوای نه‌فسا بڕۆی سووكت ئه‌كا بێ بایه‌خی

شه‌رمه‌زای تا به‌كه‌ی بێ بۆچی ئابڕووی خۆت ئه‌به‌ی؟
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
 به‌قه‌د دڵۆپی بارانی گشت به‌هارێ بیرت ئه‌كه‌م
به‌قه‌د وشه‌ و پیت و ڕسته‌ی گشت گۆڤارێ بیرت ئه‌كه‌م

بیرت ئه‌كه‌م دڵم به‌كه‌س ناكرێته‌وه‌
هه‌رچی جوانی دنیا هه‌یه‌ شێوه‌ی تۆم پێ ناسڕێته‌وه‌

ته‌مه‌ن هێنده‌ی پێ نه‌ماوه‌ به‌رگه‌ی دوری تۆ ناگرم
بۆ نازانی چۆن ئه‌سوتێ دڵی پڕ ئێشو ئاگرم؟

نه‌ هه‌واڵێكت ئه‌زانم نه‌ نامه‌یه‌ك نه‌ جه‌وابێ
تۆ پێم بڵێ چی ڕووی داوه‌ نه‌كا دڵت لێم ئێشابێ

چی نامه‌ی تۆم پێ گه‌یشتووه‌ به‌هاری بۆ من هێناوه‌
من له تۆ زیاتر كێم هه‌یه‌ دڵم خۆش كا به‌ هۆنراوه‌

من نازانم به‌ كام زمان به‌ كام پێنوس ناوت بێنم
هه‌ر شیعرێكم باسی جوانی تۆم بۆ نه‌كا بێگومانبه‌ ئه‌یسوتێنم

تۆ زۆر له‌وه‌ گه‌وره‌تری بت كه‌م به‌ كێشی هۆنراوه‌م
سڵاو له‌و چركه‌ ساته‌ش بێ تۆی پێ ئه‌بینێ ئه‌و چاوه‌م
 ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
هه‌ركاتێ باسی تۆ ئه‌كه‌ن ڕۆحم لێم شێت و هار ئه‌بێ
به‌رگه‌ی سوتانم ناگرێ له‌ ناڵه‌ی دڵ بێزاره بێ

ته‌مه‌نی پڕ چاوه‌ڕوانیم به‌ره‌و نه‌مان هه‌نگاو ئه‌نێ
هێدی هێدی چاوه‌كانم خه‌ریكه‌ لێڵ و تار ئه‌بێ

گه‌ر له‌ حاڵی دڵ ئه‌پرسی نه‌ماوه‌ هێزو تاقه‌تی
له‌ ناخی بێ كه‌سیدایه‌و له‌ مه‌رگی ئینتیزاره‌ بێ

حه‌لاجی داری عه‌شقی تۆم ئێستاكه كاتی هاتووه‌
حوكمی قه‌زاوه‌ت چۆن ده‌ڵێ بڵێن كه‌ی ده‌ست به‌ كاره بێ؟

ئه‌وانه‌ی به‌ردم تێ ئه‌گرن به‌ گوڵ ئه‌یگرمه‌وه‌ چونكه‌
به‌ لێدان و په‌ت و زنجیر شه‌هید مه‌شهوری شاره‌ بێ

انا الحق ره‌مزی منصوره‌ به‌ بێ حیكمه‌ت نیه‌ ئاخر
ویساڵت گه‌ر به‌ ده‌ست بێنم سڵاوم له‌و قه‌ناره‌ بێ

خوێنی شه‌هید پێناسه‌یه‌ تا پێی ئه‌گاته‌ مه‌نزڵی
هه‌نگاو به‌ره‌و هه‌واری نوێ خۆزگه‌م به‌و كۆچ و باره‌ بێ

له‌ كاتی سوجده‌ بردندا چ باكی تیره‌ بارانمه‌
به‌هـ به‌هـ كه‌ خۆشه‌ ئه‌و ده‌مه‌ی دڵ له‌ حزوری یاره‌ بێ

به‌ سه‌ودای عه‌شقه‌وه‌ مردن به‌های خۆ مامه‌ڵه‌ی گیانه‌
هه‌زاران یوسفی میسریش به‌دڵ بۆی بێقه‌راره‌ بێ
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

له‌ ماهی ئاسمانم چی كه‌ مانگی من له‌ ئه‌رزایه‌

ئه‌وه‌ی روئیه‌تی به‌دری تۆ ئه‌كا معلوم شه‌وال ئه‌گرێ
حه‌رامه‌ صومی عید ئاخر له كوێ ڕۆژو له‌ جه‌ژنایه‌ ؟

له‌ تاریكی شه‌بستانی دوو زولفه‌ینت كه‌ خۆم وون كرد
له‌ دووی ئاوی به‌قا كه‌وتم نه‌جاتم كه‌ی ئه‌ده‌ی خوایه‌ ؟

له‌ باده‌ی ئه‌و ده‌م و لێوه‌ت هه‌تا تێر تێر نه‌بم تا هه‌م
ئه‌گه‌ر غه‌رقی شه‌رابیش بم به‌ مه‌ ی ته‌سكینم هه‌ر نایه‌ 

هیچ نظری موجود نیست:

ارسال یک نظر