۱۳۹۰ فروردین ۳, چهارشنبه

کوڵنەدەر




ئەمجەد مەلایی ناسراو بە مامۆستا کوڵنەدەر هێشتا لە زکی دایکیدا دەبێت کاک شەریف باوکی بە داخەوە ئەمرێت و دوای ئەگات تەمەنی 6 مانگی دایکشی لە دەست دەدات دواتر دایە پیرۆز کە نەنەی دەبێت گەوری دەکات. دوو براو خوشکێک دەبن، باپیری کۆڵنەدەر بە ئەسڵ خەڵکی توار مەڵای ناوچەی کەلاتەرزانی سنەیە و بەڵام باوکی لە ناوچەی بەرپلەی ساراڵی مەریوان بووە و کۆڵنەدەر ئەگەر هەڵەم نەکردبێت لە ئاوایی جانەوەری ژووروو لە دایک بووە.بەهۆی هەژاری و نەداریەوە بە داخەوە تەنیا توانی تا کلاسی3ی سەرەتایی بخوێنێت، لە تەمەنی لاویەتیدا لە کوتای ساڵەکانی 1360دا بەهۆی چالاکی سیاسیەوە گیراو بۆ ماوەیەک لە زیندان بوو . پاش ئازاد بوونی لە زیندان دەستی کردە چالاکی ئەدەبی و هونەری. ساڵی 1373 دوو کاسێت شێعری بە ناو سکاڵای کوردستان بڵاو کردەوە و پێشانگایەکی هونەریشی لە جانەوەر دانابوو کە بە زۆری بە مۆم و گەچ پێکەری شاعیرانی کوردی کێشابوو. کوتایەکانی ساڵی 1373 بوو دیسان لە لایەن هیزەکانی رژیمەوە کەوتە بەرچاوو هاتە کوردستانی باشوور بوو بە پێشمەرگەی حیزبی دیموکراتی کوردستانی ئێران. لەوێش کورتە نامیلکەیەکی بە ناو بانگەواز بڵاو کردەوە و بەداخەوە ئەو کورتە نامیلکەیە بۆخۆی کۆپی لێگرتبوو دواتر دۆستان دەستاو دەست کۆپیان لێدەگرت بڵاو بکرێتەوە. هەر لەو سەردەمەدا لە کاستێتی ژمارە 3یشی بە ناو سکاڵای کوردستان بڵاو بووەوە و هاوینی ساڵی 1376 هەتاویی لە بەر مزگەوتی گەورە هاوڕێ لە گەڵ غالب عەلیزاده تیرۆر کران.
کاستی ژمارە 3ی سکالای کوردستان بڵاو کراوەتەوە
پێشەکی کوردی نەوەی میدیا
دوای رێبازی لینین و خوا
مادم خوت ناسی نەتەوەیی کوردی
کورد کورده، جووبێ گەوربێ یەهوودی
دوژمن بێوچان خەریک پیلانە بۆ لاوازکردن ئەم کوردستانە
هەورامی و سۆران ئەهێنێتە کار
بە دەستی خۆمان ئەمان ده‌ن لە دار
کرمانج و گۆران جیا ئەکاتەوە ئاوری ناکۆکی
گەش ئەکاتە شێعە هان ئەدا بۆ گیانی سوونی
کلیدی بەهەشت ئەکاتە ملی
ئەی برای کوردم ئیتر بزانە کەشێعەو سونی هەموو پیلانە.
ئەی دەزگیران ماڵت ئاوا باخت پڕ گوڵ
هەر لە رێی گوڵزاری تۆ ئەی دەزگیران بمنیژنە گڵ
هەژاری زۆر رێزی گرتم
تا بمێنم ریزی دەگرم.
.سیمای گۆرری هەژاران بێت
سیمای گۆررم ،
وەسیەتێک بیت کە من مردم
..........................................
کۆڵنەدەر کورە هەژارێک بوو لەگەڵ یەک دنیا ئارەزوو و حەز و خولیا تەنیا خەمی خۆی نەدەخواردە و خەمی هەموو بەش مەینەتێکی کوردی دەخوارد سەرەتای کاستێکی ژمارە 2 بەم دێڕەوە دەست پێدەکات
شێعری من خەمەو فرمێسکی من خوێن،
خەم لە دوای دڵان مەگێڵو لە شوێن
یاخوا درۆ بێ فه ریده باسی شو کردنی تۆ
به ر له تۆ بمرم نه بیسم هه والی مردنی تۆ
"' شه هید کۆلنه ده‌ر، بازیان"

فەریدەی کچی شیخ محەمەدی دێه بنیاد بوو لە ناوچەی بەر پلە. باوکی بە زۆر دای بەشوو کۆڵنەدەر لە شێعرێکدا دەڵێت،
کەبیستم حەڵقەت لە قامکت کرد
تارای رەشت دابەشەماڵ،
ئەوسا زانیم داستانی عەشقەکەمان
لای تۆگۆڕا خۆشەویستم بووبە خەیاڵ
،،،،،،،،،،،،،،،،،،،،،،،،،،،،،،،،،،،،،،،،،،،،،
وەسیەتم وایە گەلم، نەبیە شاعێر تاڵە ژینت تاڵە ژینت
مەر قەل و داڵ بتخوا دەرکەوێ دیانی کەنینت
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
شێعرەکانم دەمێ تر دەر دێن لە ژێر حەشارا
دەبنە پەرتووک و نامیلکە دەچن بۆ گوند و شارا
لادێ دەیکەن بە چیرۆک لە سەربان و حەسارا
مامۆستا بۆ قوتابی ئەینووسێت بە دیوارا.
کوڕ دەیکا بە ملوێنک دەیکا بە ملی دڵدارا
شوان بە نەوای شماڵ،دواشوان دەڵێ بە یارا
کە من مردم، کەسێ ناپرسێ کۆڵنەدەر گۆڕی هالە کام شارا

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
پاییز تۆ ئامای خەمت ئاوردەن
پۆل پۆل نازداران تەشریف شابەردەن
پاییز، تۆ نەئاما بی ئێرە ئاوابی
وڵ و دیوارێ جام و شانە بی
وڵێوێ پەی ناز مێخەک منەبێ
بە ئامەو ڵوێ تەشریف شانبردن
چۆڵ بی هەواران چون گڵکۆی مەردن
پاییز، زستان حەقشەن گەر بەورت کەرۆ سەر
گەر فامت بۆ پاییز سەرنەماری جەبەر.
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ئەو پەنجەرەی دابپۆشە وا رووی کردووە لە شەقامی خاتراتمان
چوو ئەوساتانەی چاوەڕوانی یەکتر بووین هەموو کاتمان
دی چوو وەک خەونێک بوو
هاتوو چووی کۆڵانی زوو
حەزی خۆتە ئەگەر گۆرات قیبلەی نیگات
دەبمە مەرهەم بۆ سەر زامی سکاڵات
لە هەر کوێ بم لە هەر کوێ بیت لە م جیهانە
دڵ، یەک دڵە و بەتۆم داوە، قیبلەی نگام باش بزانە
ئەمەش چەند دێرێکی تر لە شێعرەکانی مامۆستای جوانەمەرگ کوڵنەدەر


هیچ نظری موجود نیست:

ارسال یک نظر